PIERRE-EMERICK AUBAMEYANG E MICHI APÓSTOL, XOGADORES ESTRELLA DO MES DE SETEMBRO

Pierre-Emerick Aubameyang (Laval, Francia, o 18 de xuño de 1989) recibiu este xoves 8 de outubro na sala de prensa do Dépor Training Center, de mans de Gustavo Galván, promotor de Estrella Galicia, o premio ao xogador Estrella Galicia do mes de setembro. Floriangel Mitchell Apóstol Argüelles (Lara, Venezuela, 7 de setembro de 2005), gañadora no Dépor ABANCA, recibirao á súa chegada da concentración da selección de Venezuela.'Auba' foi elixido polas súas actuacións nos partidos de liga ante o Villarreal CF, Getafe CF, Sevilla FC e Real Betis; e UD Costa Adeje Tenerife, Real Madrid CF, Granada CF e RCD Espanyol no caso de Michi Apóstol.A terna de finalistas elixidos polos medios de comunicación que cobren a diario a información dos dous equipos blanquiazules estivo formada por Aubameyang, Mario Soriano e Giménez no caso do Dépor; e Millene, Michi Apóstol e Lucía Pardo no caso do Dépor ABANCA.Nas votacións finais a cargo de #ANOSAFORZA a través das redes sociais do Club, Aubameyang foi o elixido no primeiro equipo masculino co 70% dos votos dos afeccionados, fronte ao 24% de Mario Soriano e o 6% de Giménez. No apartado feminino, Michi Apóstol impúxose co 46%, fronte ao 41% de Millene e o 13% de Lucía Pardo.Aubameyang asegurou estar "moi contento. Colecciono moitos premios na miña carreira, pero este é moi especial porque para min é como un gran 'grazas' da afección, da xente de aquí de Galicia. Estou moi contento por isto".