MANUEL PABLO PIDE EN LUGO «ESTAR IMPLICADOS AO MÁXIMO, ESTAR ACTIVADOS AO MÁXIMO»

Manuel Pablo afirmou este venres 16 de outubro na sala de prensa do Dépor Training Center que a Primera Federación "é moi igualada. Queda moito. Loxicamente, se non sacas resultados positivos, a preocupación pode chegar, pero onde máis nos temos que centrar é en competir como o outro día (ante o Racing de Ferrol)".Nesta liña, o técnico fabrilista cre que ante os ferroláns "demos un paso adiante, pero hai que mantelo. É o que temos que ofrecer ante o CD Lugo".Sobre o CD Lugo, rival este sábado 17 de outubro ás 16:30 (TVG) no Anxo Carro, Manuel Pablo indicou que "é un equipo moi sólido. Só levan 4 goles encaixados, 2 a balón parado. Sabe defender moi forte, pero pódeselles facer dano".Pide manter o nivel amosado ante o Racing de Ferrol "para poder competir contra eles. Se non estamos a ese nivel, eles son moi sólidos, teñen moita calidade arriba".Finalmente, Manuel Pablo insiste en "estar implicados ao máximo, estar activados ao máximo e competir como o outro día".